ਮੁੰਬਈ ਪੁਲਿਸ ਨੇ ਮੁਕੇਸ਼ ਅੰਬਾਨੀ ਦੇ ਘਰ ਦੀ ਸੁਰੱਖਿਆ ਵਧਾਈ, ਦੋ ਸ਼ੱਕੀ ਪੁੱਛ ਰਹੇ ਸਨ ਘਰ ਦਾ ਪਤਾ

ਮੁਕੇਸ਼ ਅੰਬਾਨੀ (Mukesh Ambani) ਦੇ ਘਰ ਏਂਟੀਲੀਆ (Antilia) ਦੀ ਸੁਰੱਖਿਆ ਵਧਾ ਦਿੱਤੀ ਗਈ ਹੈ। ਦੱਸ ਦੇਈਏ ਕਿ ਸੂਤਰਾਂ ਦਾ ਕਹਿਣਾ ਹੈ ਕਿ ਮੁੰਬਈ ਪੁਲਿਸ ਕੰਟਰੋਲ ਰੂਮ (Mumbai Police Control room) ਨੂੰ ਇੱਕ ਟੈਕਸੀ ਚਾਲਕ (Taxi Driver) ਨੇ ਫੋਨ ‘ਤੇ ਦੱਸਿਆ ਹੈ ਕਿ ਦੋ ਵਿਅਕਤੀ ਉਸ ਕੋਲੋਂ ਏਂਟੀਲੀਆ ਦਾ ਪਤਾ ਪੁੱਛ ਰਹੇ ਸਨ।

ਮੁੰਬਈ: ਰਿਲਾਇੰਸ ਇੰਡਸਟਰੀ ਦੇ ਚੇਅਰਮੈਨ ਮੁਕੇਸ਼ ਅੰਬਾਨੀ (Mukesh Ambani) ਦੇ ਘਰ ਏਂਟੀਲੀਆ (Antilia) ਦੀ ਸੁਰੱਖਿਆ ਵਧਾ ਦਿੱਤੀ ਗਈ ਹੈ। ਦੱਸ ਦੇਈਏ ਕਿ ਸੂਤਰਾਂ ਦਾ ਕਹਿਣਾ ਹੈ ਕਿ ਮੁੰਬਈ ਪੁਲਿਸ ਕੰਟਰੋਲ ਰੂਮ (Mumbai Police Control room) ਨੂੰ ਇੱਕ ਟੈਕਸੀ ਚਾਲਕ (Taxi Driver) ਨੇ ਫੋਨ ‘ਤੇ ਦੱਸਿਆ ਹੈ ਕਿ ਦੋ ਵਿਅਕਤੀ ਉਸ ਕੋਲੋਂ ਏਂਟੀਲੀਆ ਦਾ ਪਤਾ ਪੁੱਛ ਰਹੇ ਸਨ। ਇਸਤੋਂ ਬਾਅਦ ਮੁੰਬਈ ਪੁਲਿਸ ਨੇ ਏਂਟੀਲੀਆ ਨਜ਼ਦੀਕ ਸੁਰੱਖਿਆ ਵਧਾ ਦਿੱਤੀ ਹੈ ਅਤੇ ਨਾਕਾਬੰਦੀ ਕਰ ਦਿੱਤੀ ਹੈ।

ਟੈਕਸੀ ਚਾਲਕ ਅਨੁਸਾਰ ਇੱਕ ਦਾੜ੍ਹੀ ਵਾਲੇ ਵਿਅਕਤੀ ਨੇ ਕਿਲਾ ਕੋਰਟ ਦੇ ਸਾਹਮਣੇ ਉਸ ਕੋਲੋਂ ਐਂਟੀਲੀਆ ਦਾ ਪਤਾ ਪੁੱਛਿਆ ਸੀ। ਜਿਨ੍ਹਾਂ ਸ਼ੱਕੀਆਂ ਨੇ ਪਤਾ ਪੁੱਛਿਆ ਸੀ ਉਹ ਚਾਂਦੀ ਰੰਗ ਦੀ ਵੈਗਨਾਰ ਕਾਰ ਵਿੱਚ ਸਨ, ਉਨ੍ਹਾਂ ਦੀ ਦਾੜੀ ਵਧੀ ਹੋਈ ਸੀ। ਟੈਕਸੀ ਚਾਲਕ ਨੇ ਇਹ ਵੀ ਜਾਣਕਾਰੀ ਦਿੱਤੀ ਹੈ ਕਿ ਦੋਵੇਂ ਲੋਕ ਆਪਸ ਵਿੱਚ ਉਰਦੂ ਵਿੱਚ ਗੱਲ ਕਰ ਰਹੇ ਸਨ। ਉਨ੍ਹਾਂ ਕੋਲ ਇੱਕ ਬੈਗ ਸੀ।